संचालक प्रकाशक / प्रधान सम्पादक तिमल्सिनालाई युवा निर्देशक अवार्ड

Logo
सोहरुची प्रकाशित शनिबार, साउन १७, २०८२ समाचार

भक्तपुर । संचालक प्रकाशक / प्रधान सम्पादक धनेन्द्र तिमल्सिनाले ‘ऐ रात्तै’ गीतमार्फत उत्कृष्ट युवा निर्देशकको अवार्ड प्राप्त गर्न सफल भएका छन्। सानै उमेरदेखि कला क्षेत्रप्रति विशेष रुचि राख्ने तिमल्सिनाले आफ्नो करिअरको सुरुआत विभिन्न फिल्महरूमा सह–निर्देशक (Assistant Director) को रूपमा गरेका थिए।

आज समारी इन्टरनेशनल इभेन्टको आयोजनामा भक्तपुरको बोडे स्थित कृषि विकास बैंक सभा हलमा आयोजित कार्यक्रममा उनलाई युवा निर्देशकको अवार्ड प्रदान गरिएको हो ।

कार्यक्रम प्रतिनिधि सभा सदस्य छिरिङ ल्हामु लामाको प्रमुख आतिथ्यतामा सम्पन्न भएको हो । सम्मानले राष्ट्रका उदाउँदा ताराहरूको पहिचान वृद्धि गर्ने लक्ष्य बोकेको आयोजक संस्थाले जनाएको छ ।

तिमल्सिना वर्ष २०७१ देखि निर्देशनको यात्रामा सक्रिय रही फिल्म, म्युजिक भिडियो तथा नागरिक सचेतनामूलक भिडियोहरूमा समेत सफल निर्देशन गरिसकेका छन्। ‘समर लभ’ फिल्ममा सह-निर्देशकका रूपमा कार्य गरेका तिमल्सिनाले कोरोना महामारीको समयमा नेपालमै पहिलो पटक सचेतनामूलक उत्कृष्ट भिडियो निर्माण गरेर सबैको ध्यान खिचेका थिए।

उनले ‘ऐ रात्तै’, ‘मन’, ‘यो समय’, ‘जवानी आएसी’ लगायत दर्जनौं म्युजिक भिडियोहरू निर्देशन गरिसकेका छन्।

‘ऐ रात्तै’ गीतका सर्जक माधव खड्का हुन् भने स्वर चर्चित गायक गोकुल राउत र गायिका पार्वती कार्कीको रहेको छ। यही गीतबाट तिमल्सिनाले निर्देशनको क्षेत्रमा आफ्नो छुट्टै पहिचान बनाउँदै उत्कृष्ट युवा निर्देशकको अवार्ड जितेका हुन्।

कार्यक्रममा युवा अग्रज सञ्चारकर्मी नवराज बजगाईँ, युवा व्यवसायी रुपेश काफ्ले, राजन अधिकारी, संगम थापा, सदिक्षा कर्माचार्य लगायतका युवाहरू समेतले विभिन्न विधाबाट अवार्ड हाँसिल गर्न सफल भएका थिए ।

तपाईको प्रतिक्रिया दिनुहोस
सम्बन्धित पोस्ट
Soharuchi
हाम्रो बारे

यो वेवसाइट soharuchi.com को आधिकारिक न्यूज पोर्टल हो । समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ ।

हाम्रो टीम

संचालक प्रकाशक / प्रधान सम्पादक

धनेन्द्र तिमल्सिना

सल्लाहकार तथा संरक्षक

सम्पादक:- ईन्द्र कुमारी कर्माचार्य

संवाददाता :- रामचन्द्र तिमल्सिना

संवाददाता : हरेराम काफ्ले

संवाददाता / फोटो ग्राफर
सुशील सैजु

सम्पर्क

सम्पर्क
सोहरुची डट कम (Soharuchi.com )
९८६६३१११९८
९७०२९१३७०२

[email protected]
धुलिखेल नगरपालिका – ५ श्रीखण्डपुर , काभ्रेपलाञ्चोक
नेपाल सरकार, सूचना तथा सञ्चार मन्त्रालय,
सूचना विभाग दर्ता नं. : ४६४९-२०८१/२०८२
पान नं. : १४२१२५२७२