राष्ट्रिय रत्न सम्मानबाट युवा समाजसेवी थापा सम्मानित

Logo
सोहरुची प्रकाशित शनिबार, साउन १७, २०८२ समाचार

भक्तपुर । युवा समाजसेवी संगम थापा “राष्ट्रिय रत्न सम्मान तथा अवार्ड २०८२” अन्तर्गत सामाजिक व्यक्तित्व सम्मानबाट सम्मानित भएका छन् । सामाजिक सेवा क्षेत्रका एक अग्रणी, समर्पित र निःस्वार्थ व्यक्तित्वका रूपमा उनले विपन्न परिवारहरूलाई खाद्यान्न तथा शैक्षिक सामग्री (स्टेसनरी) सहयोग, मठमन्दिरहरूमा नगद तथा श्रमदान, मजदुर हक–अधिकारका पक्षमा सक्रिय आवाज उठाउने कार्य, साथै खेलकुद क्षेत्रमा आवश्यक सहयोग गर्दै समाजमा सकारात्मक प्रभाव पार्दै आएका छन् ।

समारी इन्टरनेशनल इभेन्टको आयोजनामा भक्तपुरको बोडे स्थित कृषि विकास बैंक सभा हलमा आयोजित कार्यक्रममा उनलाई सामाजिक कल्याण र समुदाय सशक्तीकरणप्रतिको अथक समर्पण र उत्कृष्ट योगदानको कदरस्वरूप राष्ट्रिय रत्न सम्मान प्रदान गरिएको हो ।

कार्यक्रम प्रतिनिधि सभा सदस्य छिरिङ ल्हामु लामाको प्रमुख आतिथ्यतामा सम्पन्न भएको हो । कार्यक्रममा थापाले पाएको सम्मानले राष्ट्रका उदाउँदा ताराहरूको पहिचान वृद्धि गर्ने लक्ष्य बोकेको आयोजक संस्थाले जनाएको छ ।

उनी सामाजिक र राजनीतिक व्यक्तिका रूपमा निःस्वार्थ सेवा गर्दै दु:खी, सीमान्तकृत र असहाय जनसमुदायको जीवनस्तर सुधार गर्न प्रति अविचल प्रतिबद्धता प्रदर्शन गर्दै आएका छन् । सामाजिक न्याय, शिक्षा, स्वास्थ्य चेतना तथा आर्थिक उत्थानका क्षेत्रमा गरिएको उनको प्रयासले कैयौं व्यक्तिहरू र समुदायहरूमा गहिरो र दीर्घकालीन प्रभाव पारेको छ ।

उनको सहानुभूतिपूर्ण दृष्टिकोण, स्थानिय तहमा देखाएको नेतृत्व क्षमता र समावेशी विकासका पक्षमा गरिएको वकालतले सामाजिक उत्तरदायित्वका उच्चतम आदर्शहरू झल्काउँछ । उनको सेवा, समर्पण र निष्कलंक भावनाले हजारौं मानिसको जीवनमा आशा र उज्यालो बोकेको छ ।

यही अतुलनीय योगदानको उच्च कदर गर्दै, यो सम्मान थापालाई प्रदान गरिएको हो । उनको यात्राले समाज सेवामा समर्पित नयाँ पुस्तालाई मार्गदर्शन गर्ने विश्वास लिइएको छ ।

कार्यक्रममा अग्रज सञ्चारकर्मी नवराज बजगाईँ, सञ्चारकर्मी धनेन्द्र तिमल्सिना युवा व्यवसायी रुपेश काफ्ले, युवा राजन अधिकारी लगायतका व्यक्तित्वहरू सम्मानित भएका थिए ।

तपाईको प्रतिक्रिया दिनुहोस
सम्बन्धित पोस्ट
Soharuchi
हाम्रो बारे

यो वेवसाइट soharuchi.com को आधिकारिक न्यूज पोर्टल हो । समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ ।

हाम्रो टीम

संचालक प्रकाशक / प्रधान सम्पादक

धनेन्द्र तिमल्सिना

सल्लाहकार तथा संरक्षक

सम्पादक:- ईन्द्र कुमारी कर्माचार्य

संवाददाता :- रामचन्द्र तिमल्सिना

संवाददाता : हरेराम काफ्ले

संवाददाता / फोटो ग्राफर
सुशील सैजु

सम्पर्क

सम्पर्क
सोहरुची डट कम (Soharuchi.com )
९८६६३१११९८
९७०२९१३७०२

[email protected]
धुलिखेल नगरपालिका – ५ श्रीखण्डपुर , काभ्रेपलाञ्चोक
नेपाल सरकार, सूचना तथा सञ्चार मन्त्रालय,
सूचना विभाग दर्ता नं. : ४६४९-२०८१/२०८२
पान नं. : १४२१२५२७२