निरन्तर उकालो लागिरहेको नेप्सेले सोमबार दोहोरो अंकले बढेर २९ सयको बिन्दु पार गरेको छ। नेप्से परिसूचक ७०.८१ अंकले बढेर दुई हजार ९ सय ३१.६५ बिन्दुमा कारोबार बन्द भएको छ। आज सेन्सेटिभ इन्डेक्स र फ्लोट इन्डेक्स पनि दुई प्रतिशतभन्दा धेरैले बढेका छन्।
३३९ कम्पनीका ६ करोड ४८ लाख ७६ हजार कित्ता सेयर कारोबार हुँदा २७ अर्ब २४ करोड २० लाख ३४ हजार रुपैयाँ बराबरको कारोबार भएको छ। यसअघि आइतबार कारोबार रकमले बनाएको कीर्तिमानी आजको कारोबारले पुनः तोडेको छ।
नेप्सेका १३ उपसमूहमध्ये लगानी र उत्पादन तथा प्रशोधनबाहेक सबै उपसमूहको सूचक बढेका छन् । लगानी ०.१९ प्रतिशत र उत्पादन तथा प्रशोधन १.१९ प्रतिशतले घटेको छ। जीवन बिमा उपसमूह सर्वाधिक ५.८५ प्रतिशतले बढ्दा व्यापार र वित्त चार प्रतिशतभन्दा धेरैले बढेको छ।
