काभ्रेपलान्चोक / नेपाल पुलिस स्कुल सागाँको आयोजनामा विद्यालय स्तरिय राष्ट्रिय ब्याडमिन्टन प्रतियोगिता सुरु भएको छ। नेपाल ब्याडमिन्टन संघका केन्द्रिय उपाध्यक्ष उदय कुमार श्रेष्ठको प्रमुख आतिथ्यमा एक समारोह बिच उद्धघाटन भएको छ।
उद्धघाटन समारोहमा नेपाल ब्याडमिन्टन संघका पदाधिकारीहरु, स्थानिय समाजसेविहरु, सहभागी विद्यालयका खेलाडी , प्रतिनिधीहरु, पत्रकार लगायत विद्यालय परिवारको उपस्थिति रहेको थियो। विद्यालयका प्रार्चाय मोहन पौडेलले मन्तव्य मार्फत उपस्थित सम्पुर्ण खेलप्रेमिमा स्वागत गर्नुभएको थियो। प्रार्चाय पौडेलले उचित मार्गनिर्देशन पाएमा खेलमा लाग्ने विद्यार्थीहरुको भबिष्य उज्वल रहने कुरामा विद्यालयलेजोड दिदै अहिले ओलम्पिक खेलिरहेका प्रिन्स दाहाल कुनै समय यहि विद्यालयको हलमा ब्याडमिन्टन खेल्ने गरेको कुरा पनि स्मरण गराउनु भयो। सोही अवसरमा विद्यालयमा अध्ययनरत विद्यार्थीहरुले विभिन्न संस्कृति झल्कने नृत्य प्रस्तुत गरेका थिए ।
साउन २० गते सम्म चल्ने प्रतियोगितामा आयोजक सहित उपत्यका र उपत्यका बाहिरका गरि २८ विद्यालयका ११९ जनाले सहभागिता जनाएको आयोजकले जनाएको छ।
