काठमाडौ / (काभा) नेसन्स लिगको उपाधि उचाल्दै उपाधिको खडेरी तोड्ने नेपालीको सपना अन्तिम सेटमा भारतले चकनाचुर बनाइदिएको छ।
भारतलाई समूह चरणमै हराएर आफ्नो वास्तविक क्षमता प्रदर्शन गरिसकेका नेपाली खेलाडीहरूले फाइनलको अन्तिम सेटमा आफूलाई सम्हाल्न नसक्दा आफ्नै भूमिमा उपाधि उचाल्ने सपना टुट्न पुग्यो।
जब च्याम्पियनसिप प्वाइन्टका लागि भारतले अंक हासिल गर्यो, नेपाली खेलाडी थचक्कै भुइँमा बसे।
तर, पूर्वाधारको अभाव, सीमित सुविधा र राज्यको एककिसिमको बेवास्ताकै बीच पनि नेपाली खेलाडीहरूले काभा नेसन्स लिगमा गरेको प्रदर्शन लामो समयसम्म खेलप्रेमीले सम्झिरहनेछन्।
हरेक अंकका लागि गरेको संघर्षले यी खेलाडीमा रहेको ‘पोटेन्सियल’ र भलिबल खेलप्रतिको जुनुन सावित गरिसकेको छ।
